Çair: Fitore Qirezi braktis VLEN-in: “Jam e zhgënjyer dhe e lënduar”
Një nga themelueset e VLEN-it, Fitore Qirezi, ka njoftuar dorëheqjen e saj nga të gjitha pozitat partiake, duke shprehur zhgënjim të thellë nga mungesa e përkrahjes brenda partisë.
“Pas një reflektimi të gjatë, ju njoftoj se kam vendosur të jap dorëheqje nga të gjitha pozitat partiake nga partia që edhe vet isha themeluese! Te VLEN nuk kishte vend për mua, andaj distancohem nga çdo aktivitet politik,” shkroi Qirezi.
Ajo theksoi se revolta e saj lidhet me qëndrimin e kolegeve të kryesisë së Forumit të Gruas:
“Revoltën time e ndaj për mungesën e përkrahjes dhe mbështetjes nga anëtaret e kryesisë së FG-së, të cilat kanë qenë të njoftuara për padrejtësitë që i ka përjetuar një anëtare e tyre e përkushtuar dhe e zellshme.”
Në fund, Qirezi uroi sukses për ish-bashkëpunëtoret e saj, duke lënë një mesazh personal:
“Nga sot, ju uroj shumë suksese në rrugëtimin tuaj dhe nuk ua dëshiroj asnjërës nga ju zhgënjimin e thellë që unë kam përjetuar.” Flaka Media
