Kasami në Xhepçisht: Së shpejti kanalizimi dhe asfaltimi i rrugës kryesore të fshatit
Kryetari i Komunës së Tetovës, Bilall Kasami, pas faljes së xhumasë ka zhvilluar një bashkëbisedim të hapur me banorët e fshatit Xhepçisht.
Gjatë këtij takimi, ai ka informuar qytetarët për projektet që pritet të nisin shumë shpejt në këtë fshat, mes tyre ndërtimi i rrjetit të kanalizimit, rrjetit të ujësjellësit dhe asfaltimi i rrugës kryesore.
“Zëri i banorëve është forca më e madhe për të ecur përpara, ndërsa me punë dhe përkushtim Xhepçishti do të marrë zhvillimin që meriton”, shkruan Kasami.
Ai gjithashtu falënderoi për prezencën masive të qytetarëve në këtë bashkëbisedim.
