37 vjet nga protestat historike në Kumanovë: Populli në mbrojtje të gjuhës shqipe!
Prof.Ahmet Asani
PROTESTA GJITHËPOPULLORE KUMANOVARE NË MBROJTJE TË GJUHËS E SHKOLLËS SHQIPE!
▪︎ Sot 37 vite më parë, më 29 gusht të vitit 1988, shqiptarët e qytetit dhe fshatrave të Kumanovës bënë një protestë gjithëpopullore në mbrojtje të gjuhës e shkollës shqipe! Nga përvoja, mund të them lirisht se kjo demostratë ishte një nga demostratat më të fuqishme të vitit, brenda trojeve etnike shqiptare nën federatën Jugosllave!
▪︎ Kërkesës për gjuhë e shkollë shqipe, për drejtësi e barazi iu bashkua gjithë popullata e qytetit dhe fshatrave të Kumanovës! Kjo demostratë tërboi Beogradin, qendër kjo politike prej nga buronte çdo e keqe e kohës! Beogradi e Shkupi kishin dhanë urdhër që demostratat e 29 gushtit 1988 të shtypeshin me dhunë e me denime të rënda!
▪︎ Në fakt Kumanova ishte vendi ku po bëhej prova e parë, pas Kumanovës dhe qyteteve tjera shqiptare në Maqedoni, në radhë ishte Kosova! Stacioni i policisë dhe burgu i Kumanovës u mbushën plot e përplot me shqiptarë! Nga që nuk kishte më vend në burgun e Kumanovës, protestuesit u dërguan nëpër qytete tjera të Maqedonisë!
▪︎ Nuk di për sjelljet e policëve nëpër burgjet e stacionet policore të qyteteve tjera, por në Kumanovë kam parë me sytë e mi qysh policët bënin gara se cili do sillte më shumë dhe cili do shante më keq në baza nacionale protestuesit shqiptarë të burgosur!
▪︎ Krijuesi nuk fal shpirtëra të k’qi, është Fryma Njerëzore ajo e cila e shtynë njeriun të bëjë vepra të k’qija e jo shpirti! Nuk ishin as kushtetuta e as ligji, por ishte Fryma antinjerëzore monisto-komuniste dhe ajo ekstremiste fetare e ngjizur ndër shekuj nga kisha sllavo-ortodokse, që këta policë e inspektorë i shtynin atëbotë të përdornin dhunë ndaj shqiptarëve!
▪︎ Në vend të dialogut njerëzor, pushteti i atëhershëm zgjodhi rrugën e dhunës! Ndaj nxënësve, prindërve e arsimtarëve shqiptarë, që protestuan kundër këtyre masave të dhunshme, antiligjore, antikushtetuese e antinjerëzore, u përdor aq shumë dhunë, sa që disa demostrus mbetën me pasoja gjatë tërë jetës së tyre, kurse për disa thuhet se vdiqën pak kohë pas vuajtjes së dënimeve!
*Autori ishte pjesë e protestës gjithëpopullore
