VLEN hap shtabin zgjedhor në Butel, Mexhiti: Ne do të fuqizojmë komunat shqiptare

Edhe në Butel u hap zyrtarisht shtabi zgjedhor i koalicionit opozitar VLEN, me mbështetje të madhe nga qytetarët dhe aktivistët.

Në këtë tubim u prezantua bartësi i listës së këshilltarëve për Komunën e Butelit, Behar Rexhepi, i cilësuar si profesionist me integritet dhe përkushtim për zhvillimin e komunës.

“VLEN-i ka synim të fuqizojë komunat, prandaj ka zgjedhur kandidatët më të përgatitur. Me këtë ekip të fortë, qytetarët do të kenë përfaqësimin që meritojnë dhe vendimmarrje të fuqishme në duart e tyre. Më 19 tetor, Buteli do të jetë pjesë e valës së fitores. Me VLEN, fiton qytetari”, u shpreh Izet Mexhiti nga VLEN.