Lotët e shqiptarit të Kosovës në Rusi, kjo është arsyeja
Futbollisti nga Kosova, Mirlind Daku, reprezentues i Shqipërisë, sot me dy golat e tij heshti rusët dhe në anën tjetër lotët e tij morën vëmendje të madhe për faktin se dje kishte ndërruar jetë gjyshi i tij.
“Lotët e shqiptarit udhëtojnë nëpër botë! Rubin Kazan barazoi 2:2 në transfertë kundër Orenburgut në një ndeshje të luajtur në kuadër të javës së shtatë të Premier League ruse.
Lojtari kryesor i mysafirëve në këtë ndeshje ishte sulmuesi i kombëtares shqiptare, Mirlind Daku, i cili shënoi dy gola.
Goli i parë tërhoqi më shumë vëmendje, i cili, përveçse ishte i bukur dhe nga distanca, kishte edhe një dedikim.
Ky gol i dedikohet gjyshit të tij të ndjerë, i cili ndërroi jetë dje (e premte), dhe për të cilin Daku qau”, ka shkruar mes të tjera media boshnjake “Sportsport”.
Daku është në formë të mirë, kjo u dëshmua edhe sot.
