Gazetari serb Krstic: Lista Serbe duhet të zhduket nga skena politike e Kosovës
Analisti serb Branislav Krstiç ka kritikuar ashpër Listën Serbe, duke e quajtur atë një organizatë kriminale të regjistruar si parti politike në Kosovë.
Në një deklaratë për GazetaBlic, ai tha se kjo parti nuk përfaqëson asnjë komunitet dhe as interesat e votuesve të saj.
Sipas tij, një subjekt politik që nuk i shërben askujt në Kosovë nuk ka vend në jetën institucionale të vendit.
“Një subjekt politik që nuk përfaqëson interesat e asnjë komuniteti në Kosovë, as interesat e votuesve të tij, duhet të zhduket nga skena politike e Kosovës. Lista Serbe është një organizatë kriminale e regjistruar në Kosovë si parti politike. Ata përfaqësojnë ekskluzivisht interesat e tyre dhe të Kabinetit të Presidentit të Serbisë. Lista Serbe është gangrenë në trupin politik të Kosovës dhe sipas rregullores është shumë e nevojshme të hiqet”, tha Krstiç.(INA)
