Memet Seferi kandidat i VLEN-it për kryetar të Komunës së Vrapçishtit

Vrapçisht – Koalicioni VLEN ka zyrtarizuar kandidaturën e avokatit të njohur Memet Seferi për kryetar të Komunës së Vrapçishtit. Propozimi erdhi nga degët e VLEN-it në këtë komunë dhe u miratua nga lidershipi qendror i koalicionit.

Kryetari i Alternativës, Zeqirija Ibrahimi, e cilësoi Seferin si kandidatin e duhur për drejtimin e komunës, duke theksuar profesionalizmin e tij në fushën e drejtësisë, përvojën në sektorin civil dhe angazhimin e gjatë për të drejtat e njeriut.

“Pas një qeverisjeje që ka lënë shumë për të dëshiruar, më në fund edhe për qytetarët e Vrapçishtit po vijnë ditë më të mira”, u shpreh Ibrahimi, duke i uruar suksese kandidatit të ri të VLEN-it. (INA)