Moti sot: Reshje lokale në lindje dhe erë e fortë veriore
Në orët e hershme të mëngjesit dhe pasdite, në pjesët lindore të vendit pritet mot jo-stabil me reshje lokale shiu. Pjesa tjetër e ditës do të karakterizohet nga mot me diell dhe vranësira të herëpashershme.
Do të fryjë erë mesatare deri në të fortë nga drejtimi verior, me shpejtësi që mund të kalojë mbi 60 km/h. Temperatura minimale është regjistruar ndërmjet 11 dhe 19 gradë Celsius, ndërsa ajo maksimale pritet të arrijë nga 24 deri në 31 gradë.
Në Shkup, moti do të jetë me diell dhe vranësira të ndryshueshme, të cilat gjatë ditës do të zvogëlohen. Do të fryjë erë mesatare veriore. Temperatura minimale ishte rreth 16 gradë, ndërsa maksimalja pritet të arrijë deri në 30 gradë Celsius.
