Ambasadori i Shqipërisë vizitoi Dibrën, u prit nga kryetari Hekuran Duka
Dje, Ambasadori i Republikës së Shqipërisë në RMV, Denion Meidani, vizitoi Dibrën, ku u takua me kryetarin e Komunës, Hekuran Duka.
“Kënaqësi dhe nder i veçantë të kem pasur fatin të njoh dhe të bashkëpunoj me Shkëlqesinë e Tij, Ambasadorin e Republikës së Shqipërisë në RMV, z. Denion Meidani”, ka shkruar kryetari Duka në faqen e tij zyrtare në Facebook.
Ai i ka shprehur mirënjohje ambasadorit për vizitën dhe ka theksuar rolin e tij të rëndësishëm në forcimin e marrëdhënieve mes dy vendeve.
“Me shumë përgjegjësi dhe përkushtim, Ambasadori po e kryen misionin e tij diplomatik, duke dhënë një kontribut të çmuar në forcimin e marrëdhënieve mes dy vendeve tona. Takimet tona kanë qenë frytdhënëse dhe inspiruese, ndaj i shpreh mirënjohje dhe respekt për punën dhe vizionin e tij. Z. Meidani e ka shndërruar Dibrën në një qendër e cila vizitohet nga shumë ambasadorë të tjerë dhe kjo padyshim do të sjellë benefite për Dibrën dhe dibranët”, ka theksuar kryetari i Dibrës, Hekuran Duka.(INA)
