VLEN i uron Ziadin Selës formimin e partisë së re
VLEN i uron Ziadin Selës themelimin e partisë së re, Lidhja Shqiptare, me kryetare znj. Arbëreshe Selimi. Ky hap dëshmon se beteja për vulat nuk duhet të ndalojë ecurinë e një fryme politike. Historia politike e ka treguar se vulat janë vetëm simbole juridike, ndërsa partinë e bëjnë njerëzit. Ziadin Sela e ka kuptuar më së miri këtë të vërtetë dhe sot po e shndërron atë në realitet politik.
Kryetares së re të Lidhjes Shqiptare, Arbëreshe Selimi, i urojmë shëndet, vendosmëri dhe guxim për t’i bërë ballë sfidave që ka politika shqiptare në këtë periudhë. Shpresojmë dhe besojmë se interesi kombëtar do të mbizotërojë mbi ato të ngushta personale e partiake.
