Emira Jashari, doktoron në Universitetin prestigjioz të Cyrihut
Emira Muzafer Jashari, nga fshati Debresh i Gostivarit, ka përfunduar me sukses doktoraturën në Fakultetin Ekonomik, dega Financë, në Universitetin e Cyrihut – një nga universitetet më prestigjioze në botë.
Punimi i saj shkencor u vlerësua nga komisioni profesional me notën më të lartë, 10 (dhjetë), duke u cilësuar si një arritje e shkëlqyer akademike.
Me këtë sukses, Emira Jashari konsiderohet si shqiptarja e parë që ka mbrojtur doktoraturën në këtë universitet elitar.
