Gjesti nuk i ndal kunjat ndaj Eglit, reagimi që nuk pritej!
Ajo theksoi se lidhja nuk kishte qenë kurrë dashuri e vërtetë, por një afrim i krijuar nga rrethanat.
“Je aty brenda 24 orë në ditë, lidhjet bëhen më të ngushta dhe më intensive. Por kjo nuk ka lidhje me ndjenja të thella romantike. Ishte më shumë lojë, një person i duhur në vendin e duhur. Unë isha personazhi i gabuar në vendin e duhur,” tha Egli.
Ajo pranoi gjithashtu se për një moment kishte rënë në “deluzion”:
“Ndoshta edhe unë për një periudhë e kam jetuar këtë gjë, por sot e shoh ndryshe. Nuk më frymëzonte si person në kuptimin e madh, më bënte të qeshja, kalonim mirë, por kaq. Dua ta mbaj mend si një shok të asaj kohe,” u shpreh Egli.
Ditën e sotme, ai publikoi një Instastory teksa ishte në makinë, duke dëgjuar një këngë me tekst të ngjashëm me fjalët që i kishte thënë Eglit brenda shtëpisë:
“Ajo që e ndjen ti nuk është dashuri, por obsesion, një iluzion në mendjen tënde.”
Mbetet për t’u parë nëse kjo “lojë me deklarata” do të vazhdojë dhe nëse Egli do të japë një reagim tjetër, por një gjë është e sigurt: marrëdhënia mes tyre vazhdon të ngjallë interes edhe jashtë shtëpisë më të famshme në Shqipëri.
