Rikthehet pas dy muajsh, Ardon Jashari: është fantastike të jem sërish në fushë
Pas humbjes 3–2 të Milanit në miqësoren ndaj Virtus Entella, Ardon Jashari ka folur për “Milan TV”, duke shprehur emocionet e rikthimit të tij në formacionin titullar.
Për Jasharin ky nuk është hiç më pak se një rikthim i gjatë pritur pas dëmtimit që e mbajti jashtë për mbi dy muaj.
Ylli shqiptar pranoi se rikthimi nuk ka qenë i lehtë por tani synon ta zërë vendin titullar sa më shpejtë te klubi italian.
“Ka qenë një rrugë e gjatë për të ardhur deri këtu, sidomos pas periudhës së ngarkuar të merkatos dhe dëmtimit serioz. Pas rreth tre muajsh, është fantastike të jem sërish në fushë nga minuta e parë, edhe nëse është vetëm një miqësore. Është një ndjenjë shumë e mirë”.
