Aksident në hyrje të Shkupit, një i lënduar

Sot në orën 10:35 në SPB Shkup është raportuar se në autostradën Kumanovë – Shkup, pranë hotelit “Belvi”, ka ndodhur një aksident trafiku në të cilin kanë qenë të përfshira një automjet transportues “Iveco” me targa të Shkupit, i drejtuar nga S.D. (54), një automjet udhëtarësh “Audi” me targa të Shkupit, i drejtuar nga D.R. (31), dhe një automjet udhëtarësh “Golf” me targa të Kumanovës, i drejtuar nga S.A.

Me një automjet të Ndihmës së Shpejtë, S.A. është dërguar në kompleksin e klinikave “Nëna Terezë” për të marrë ndihmë mjekësore. Inspektimi është në vijim, ndërsa trafiku në atë pjesë drejt Shkupit po ridrejtohet pas pompës së benzinës.