Arsim Dalipi prezanton programin pesëpikësh për 100 ditët e para në Strugë

Kandidati i AKI-së për kryetar të Komunës së Strugës, Arsim Dalipi, i cili tashmë ka kaluar në balotazh për zgjedhjet e 2 Nëntorit, ka prezantuar para qytetarëve angazhimin e tij concret për një Strugë moderne, transparente dhe pranë nevojave të qytetarëve.

Dalipi theksoi se ekipi “Bashkë për Strugën” është i përgatitur të fillojë menjëherë punën dhe brenda 100 ditëve të para do të realizojë programin pesëpikësh:

1️⃣ Parking falas deri në ora 10:00 në të gjithë territorin e qytetit për të lehtësuar qarkullimin e qytetarëve.
2️⃣ Ulje 50% e pagesave të licencave për taxi, furgona dhe makina — ndërsa për mjetet elektrike lirimi 100% nga tatimi për licencë.
3️⃣ Subvencionim i lavazheve për sigurimin e ujit teknik dhe mbrojtjen e ujit të pijshëm si burim ekskluzivisht për konsum.
4️⃣ Pajisje me pompa dhe rezervuarë të ndërtesave të vjetra për zgjidhjen e furnizimit me ujë të pijshëm në katet e larta.
5️⃣ Lirim nga pagesat tatimore për familjet dhe rastet në gjendje të rëndë sociale — me rimbursim nga buxheti i Komunës.

“Bashkë për Strugën tonë, bashkë drejt fitores”, deklaroi Dalipi, duke theksuar se më 2 Nëntor qytetarët vendosin për të ardhmen që duan.(INA)