Bajern Munihu forcon mbrojtjen me Dier-in e Totenhamit
Mbrojtësi i Kombëtares së Anglisë, Erik Dier ka arritur marrëveshje me gjigantin gjerman, Bajern Munih.
Gazetari i “Bild”,-it Florian Pletenberg raporton se gjithçka është arritur mes klubeve dhe futbollistit dhe mbrojtësin anglez do ta shohim duke bartur fanellën e kampionit të Bundesligas.
“Lojtari ka arritur në Munih. Sot i kryen testet mjekësore”, ka shkruar gazetari në rrjetet sociale.
Kujtojmë që kjo marrëveshje pritet të jetë në formë të huazimit, por me të drejt blerje në fund të këtij sezoni. Dier te Tottenhami ishte transferuar gjatë vitit 2014 nga Sportingu për 3.5 milionë euro./Indeksonline/
