Barcelona pa Lamine Xhamal në sfidën e Kupës së Mbretit

Barcelona do ta nis kampanjën e Kupës së Mbretit për sezonin 2023/2024 ndaj ekipit të kategorisë së katërt Barbastro. Ky ekip paraprakisht kishte eleminuar nga ky kompeticion ekipin e Almerias dhe do të shpresojnë për një tjetër “surprizë” edhe pse dallimi në kualitet është mjaft i madh.

Kjo ndeshje do të shërbejë për Çavin si mundësi e mirë për të bërë disa ndryshime në formacion para zhvillimit të Superkupës së Spanjës javën e ardhshme, që do të thotë se lojtarëve të rinj mund t’iu ipet mundësia që të marrin disa minuta.

Sidoqoftë, Çavi nuk do mund të llogarisë në shërbimet e Lamine Xhamall për këtë ndeshje që do të zhvillohet nga ora 21:00. Sulmuesi 16-vjeçar nuk mund të paraqitet në këtë sfidë për shkak të kartonit të kuq që kishte marrë edicionin e kaluar të Kupës së Mbretit. Ky pezullim është bartur në edicionin e sivjetëm, që do të thotë se ai do të mungojë në këtë përballje.

Lamine Xhamall me shumë mundësi do të ishte njëri nga lojtarët e ftuar nga Çavi për këtë ndeshje, andaj mungesa e tij është një lajm i keq për teknikun spanjoll.