Bejta tregon se ka kryer një operacion në gju: Nuk më ndal asgjë përveç vdekjes

October 22, 2024

Artisti i njohur shqiptar, Bejta, ka bërë një njoftim për ndjekësit në rrjete sociale.

Ai në një postim të ndarë në InstaStory thotë se ka thyer gjurin dhe se me këtë rast i është dashur të bëjë një ndërhyrje.

“Kush më njeh, e di që asgjë s’më ndal përveç vdekjes nëse Zoti e ka shkruar. Gjuri m’u ka thyer keq dhe kam pasur operacion”, u shpreh ai.

Megjithatë, i njëjti thekson se ka gati disa projekte që i ka realizuar më parë.

“Do të jem pak më i qetë me postimet, por kam përgatitur muzikë dhe kontent paraprakisht që të jem gjithmonë aty për ju”, vazhdoi këngëtari.

Bejta këtë kohë ka qenë një nga emrat më të pëlqyer në estradë, ku bëri bujë me disa këngë.

Po vazhdon gjithashtu me stilin e tij të veçantë, me të cilin edhe ia rrëmbeu zemrat publikut.