Çitaku: Do t’i tregojmë Albin Kurtit që Kosova s’është pronë private e tij
Sekretarja e Përgjithshme e Partisë Demokratike të Kosovës, Vlora Çitaku para qytetarëve në Podujevë tha se do t’i tregojnë kryeministrit në detyrë, Albin Kurtit se siç është shprehur ajo, Kosova s’është pronë private e tij.
Çitaku gjithashtu i falënderoi qytetarët që siç tha ajo, “nuk e braktisën asnjëherë projektin e Hashim Thaçit”.
“Do t’i tregojmë Albin Kurtit që Kosova nuk është pronë private e tij. Për këtë vend është derdhur gjak shumë. Nuk jemi bukëpërmbys, nuk harrojmë kush ka qenë me neve në ditët dhe orët më të rënda”, u shpreh tutje ajo.
