E dhimbshme: Kjo është 21-vjeçarja shqiptare që humbi jetën pas aksidentit në Gjermani
Një ngjarje tragjike ka ndodhur në Gjermani, ku një vajzë 21-vjeçare nga Kosova ka ndërruar jetë pas një vetaksidenti të rëndë në autostradën B28, në afërsi të qytetit Reutlingen.
Sipas mediave gjermane, aksidenti ndodhi të enjten, kur e reja me inicialet Y.H., duke udhëtuar me veturën e saj nga Metzingen drejt Reutlingen, humbi kontrollin mbi automjetin. Si pasojë, vetura doli nga rruga dhe u përmbys disa herë, duke pësuar dëmtime të rënda.
Bëhet fjalë për Yllka Hotin, ku vdekjejen e së ciles e kanë konfirmuar familjarët.
Sipas njoftimit, varrimi i të ndjerës do të bëhet më 16.07.2025 në fshatin Hoçë e Vogël.
Ajo ndërroi jetë dy ditë më vonë, të shtunën, si pasojë e plagëve të rënda. Autoritetet gjermane konfirmuan zyrtarisht vdekjen e saj ditën e djeshme.
Policia gjermane ka nisur hetimet për të sqaruar shkaqet që çuan në aksidentin fatal.
Ndërsa varrimi i të ndjerës do të bëhet nesër, në orën 16:00, në varrezat e fshatit Hoçë e Vogël.
