Florent Muslija nga Paderborni te Frajburgu në Bundesligë

Mesfushori sulmuesi Florent Muslija ka kompletuar transferimin e tij te Frajburgu në Bundesligë. Muslija ishte i jashtëzakonshëm në Bundesliga 2 me Paderbornin, ku në 70 ndeshje arriti të shënoi 25 gola dhe të dhurojë 14 asistime.

“Kam mundur të përjetoj atmosferën e mrekullueshme në stadiumin Europa-Park në ndeshjen e kupës në vjeshtë. Tani mezi pres të njoh shokët e mi të rinj, të zhvillohem më tej këtu dhe të jap gjithçka për klubin”, ka thënë Florent Muslija.

Florent Muslija do të mbajë veshur fanellën me numër 23. Detajet e kontratës dhe marrëveshjes mes klubeve është rënë dakord që të mos zbulohen. Muslija është po ashtu njëri ndër lojtarët kryesor të  Kosovës.