Granit Xhaka në “Top 5”-shen e mesfushorëve më të mirë në Evropë
Ylli kosovar, Granit Xhaka, gjatë verës së shkuar u largua nga Premier Liga për tu rikthyer në Bundesligën e Gjermanisë. Kjo lëvizje duket se është e qëlluar për mësfushorin shqiptarë që luan te kombëtarja e Zvicrës. 31 vjeçari është bërë figurë kyçe e ekipit të trajnerit Çabi Alonso në një sezon sensacional që po e kalojnë “Farmaceutët”.
Faqja që merret me statistika të futbollit, “DataMB” e ka futur Xhakën në mesin e Top 5 mesfushorëve më të kompletuar në Evropë.
Në këtë renditje janë llogaritur statistika të ndryshme, përfshirë këtu saktësia e pasimeve, dobia e pasimeve dhe në përgjithësi kontributi në fushën e blertë.
Ish-futbollisti i Bazelit dhe i Borusia Mynshenglladbahut i ka grumbulluar 27.91 pikë duke e lënë prapa Toni Krosin e Real Madridit, i cili e mbyll “Top 5”-shen. Top 3 përbëhet nga Rodri, Palasios e Frenki de Jong. Xhaka i ka zhvilluar 23 ndeshje me Leverkuzenin në këtë sezon, ndërsa e ka bërë një asistim.
