Hoze Murinjo me fjalë miradie për talentin turk te Real Madridi

Trajneri portugez, Hoze Murinjo,  foli se si Real Madridi po e përcakton të ardhmen e tij përmes një politike të fokusuar në blerjen e talenteve të rinj me potencial të madh. Këtë gjë, trajneri i Fenerbahçes e ka bërë të ditur në një intervistë për “HT Spor”.

“Rasti i Gylerit nuk është një përjashtim, por një shembull i filozofisë që ky klubi po kryen. Mesfushori 19-vjeçar tashmë po shfaq një personalitet të jashtëzakonshëm dhe një cilësi të shkëlqyer,” tha Murinjo.

Për trajnerin portugez nuk bëhet fjalë vetëm për talentin teknik, por për diçka edhe më të rëndësishme-mentalitetin.

“Lojtarët duhet të jenë të bindur në vetvete se janë shumë mirë të përgatitur për të veshur atë fanellë (Reali). Ata që frikësohen nuk mund të përballojnë presionin në një klub të tillë. Klubi më i madh në botë mund të ketë vetëm lojtarët më të mirë në botë, ose dhjetë lojtarët me potencialin më të madh”, deklaroi portugezi.