Janevska: Duhet të ketë barazim të racionit studentor me inflacionin, për vitin e ardhshëm

Ministrja e Arsimit dhe Shkencës, Vesna Janevska shpreson se ekziston mundësia për rritjen e vlerës së racionit studentor për shkak të inflacionit, por, siç tha, për vitin e ardhshëm.

“Sinqerisht shpresoj se ekziston mundësi e tillë. Po, duhet të ketë barazim të ushqimit të studentëve me inflacionin, po flasim për vitin e ardhshëm. Për këtë vit, ata kërkuan zgjerim të kuotës, ne e zgjeruam kuotën. Deri tani, ne i kemi përmbushur kërkesat e tyre për gjithçka që kanë kërkuar dhe i falënderoj, pasi ata e njohin këtë, e promovojnë”, tha Janevska.

Ajo shpreson se masa për rritjen e sasisë së racionit të studentëve të zbatohet vitin e ardhshëm, me atë që, siç thekson, nuk varet vetëm nga ajo.

“Varet nga gjendja e buxhetit. Por se unë do t’i përfaqësoj kërkesat e tyre, kur konsideroj se janë të arsyeshme, atë edhe e thash, do ta mbaj fjalën time dhe do t’i përfaqësoj kërkesat e tyre të arsyeshme për sa kohë që jam ministre”, tha Janevska, e cila sot në Shkup, së bashku me përfaqësues të Universitetit “Goce Delçev” – Shtip e promovoi doracakun për Inteligjencën artificiale në arsim.