Kina po kërkon punëtorë që vishen si majmunë dhe argëtojnë turistët

Në zonën Taihang Wuzhishan të Kinës, punonjësit po paguhen afro 1300 euro për t’u veshur si “mbreti majmun” dhe për të argëtuar turistët me një performancë të frymëzuar nga miti kinez, Sun Wukong.

Këta aktorë përcjellin mitin e mbretit majmun në shkëmbinjtë e maleve kineze, dhe pranojnë me lakmi ofertat ushqimore nga turistët, duke përfshirë edhe bananet.

Tashmë operatorët e këtij atraksioni janë në kërkim të një personi tjetër që t’i bashkohet stafit të tyre, edhe pse puna nuk është pa sfida.

Fatmirësisht, nuk kërkohen kualifikime akademike, por personi duhet të ketë dashuri për mitin kinez dhe aktrimin, dhe të bashkëveprojë me turistët.

Kjo nuk është puna e vetme e çuditshme, pasi edhe në Britaninë e Madhe kopshti zoologjik, Blackpool ka rekrutuar njerëz që vishen si zogj. /Telegrafi/