Los Anxhelos rikthehet te fitorja, shkëlqen sërish Lebron Xhejms
Skuadra e Los Anxheles Lejkers është rikthyer te fitorja në NBA, pasi kanë triumfuar përballë San Antonio Spurs në “Crypto Arena”. Skuadra nga Kalifornia triumfoi pas 48 minutave lojë me pesë pikë diferencë 123:118 në një ndeshje që ishte e barabartë nga fillimi deri në fundin e saj.
LeBron Xhejms ishte më meritori për fitoren e Lejkersit, me veteranin amerikan që realizoi 30 pikë, duke shtuar edhe 7 kërcime e 9 asiste.
Me lojë të mirë te skuadra fituese u dalluan edhe Entoni Dejvis me ‘Double-Double’ prej 28 pikëve e 13 kërcimeve, derisa D’Anxhelo Rasell shtoi 22 pikë të tjera.
Talenti francez Viktor Vembanjama ishte më efikasi te mysafirët me 27 pikë, 10 kërcime e tetë asistime, por që nuk mjaftua në fund për fitore. Ndeshjen e radhës Lejkers e zhvillon në udhëtim te Feniks Sans, derisa San Antonio Spars luajnë sërish jashtë shtëpisë së tyre, kësaj radhe me Juta Xhazin.
