![Marash Kumbulla shkon në huazim te një tjetër ekip të Seria A](https://shprehja.com/wp-content/uploads/2024/01/1706688685_Marash-Kumbulla.jpg)
Marash Kumbulla shkon në huazim te një tjetër ekip të Seria A
Marash Kumbulla do t’i bashkohet Sassuolos për pjesën e mbetur të sezonit. Eksperti italian i transferimeve, Xhianluka Di Marzio, bëri të ditur se mbrojtësi shqiptar është gjithnjë e më afër huazimit nga Roma te Sassuolo.
Kumbulla do të huazohet deri në fund të sezonit, për t’u rikthyer pastaj në verë në “Olimpico”. Në marrëveshjen mes palëve nuk do të përfshihet ndonjë opsion blerjeje.
23-vjeçari nuk ka regjistruar asnjë paraqitje me Romën këtë sezon. Ai u rikthye së fundmi nga lëndimi, i cili e la për një kohë të gjatë jashtë. Paraqitja e fundit e qendërmbrojtësit me romakët ishte më 29 prill 2023. Ndryshe, për 18 herë reprezentuesin e Shqipërisë interesim pati edhe nga Udineze, Kaliari, Torino, Xhenoa dhe Verona. Marash Kumbulla me Romën ka kontratë të vlefshme deri më 30 qershor 2025.