Mexhiti: Familja e Faruk Elmazit na mikpriti siç e do tradita shqiptare

Kandidati për kryetar komune të Çairit, Izet Mexhiti thotë po mirëpritet gjithandej nga familjet shqiptare në këtë rajon.

“Familja e Faruk Elmazit i hapi dyert, duke na mikëpritur në mënyrë vëllazërore, bash siç e ka në traditë shqiptari brez pas brezi.

Në këtë familje të nderuar të Fushë Topanës, biseduam gjerë e gjatë për programin tonë për Çairin, të cilin komunë do ta zhvillojmë si asnjëherë më parë. I dëgjova me vëmendje kërkesat e sugjerimet e të pranishmëve, duke u zotuar se do të punojë çdo ditë e vazhdimisht për t’i realizuar të gjitha projektet në këtë pjesë të Çairit tonë.

Kudo e në secilën lagje, po vërehet një përkrahje e fuqishme për vizionin tonë. Prandaj, fitorja jonë është e pashmangshme, sepse përpjekja për Çairin ia vlen gjithmonë. Secila ditë e punës sime si kryetar i ardhshëm do të jetë VETËM PËR TY ÇAIR, siç ishte çdo herë deri tash. Sepse Çairi është diamant.”, shkruan Mexhiti. (INA)