Moment historik për mjekësinë e Maqedonisë, metodë e re për operacione në tru!
Në Klinikën e Neurokirurgjisë në Shkup, për herë të parë është kryer një operacion në tru me sistemin e stereotaksisë, një metodë minimalisht invazive që mundëson marrjen e saktë të mostrës nga indi i trurit me drejtim tredimensional, përcjell TV21. Ndërhyrja u krye nga një ekip i udhëhequr nga dr. Robert Shumkovski, dr. Ivica Kocevski, dr. Lulzim Agai dhe dr. Radmila Pangovska, me mbështetjen e ekspertëve nga Brazili.
Ministri i Shëndetësisë, Azir Aliu, deklaroi se kjo ndërhyrje përfaqëson “një kapitull të ri në neurokirurgjinë e Maqedonisë” dhe se metoda do të mundësojë trajtim të pacientëve me sëmundje neurodegjenerative brenda vendit, pa nevojë që ata të dërgohen jashtë shtetit.
