Muharrem Salihu zyrtarisht kandidat për zgjedhjet rajonale në Itali (VIDEO)
Të shtunën është konfirmuar kandidatura e veprimtarit dhe afaristit të njohur shqiptar në Itali, Muharrem Salihu, i cili nga sot hyn zyrtarisht në garë për zgjedhjet rajonale të 23 nëntorit.
Salihu që vepron në Venecia do të garojë në dy Provinca të rëndësishme: Venezia dhe Treviso, ku prej vitesh është angazhuar në mbështetje të komunitetit shqiptar dhe zhvillimit lokal.
“I privilegjuar për besimin dhe i përkushtuar të jem zëri i qytetarëve. Për vite kemi folur me punën dhe angazhimin tonë, ndërsa tani është koha të flasim edhe me votë”, u shpreh ai.
Me mbështetjen e komunitetit, Salihu synon të ndikojë në vendimet kyçe për të ardhmen e rajonit, duke i dhënë zë kërkesave dhe nevojave të shqiptarëve dhe qytetarëve të tjerë që jetojnë e punojnë atje.
Le të bëjmë së bashku ndryshimin që dëshirojmë të shohim!”, ka shkruar Salihu.(INA)
