Napoli dhe Al Ahli, arrijnë marreveshje për Osimhen
Napoli ka arritur marrëveshje të plotë me Al Ahli për Viktor Osimhen. Marrëveshja midis klubeve është bërë për një paketë totale prej 75-80 milionë euro.
Klubi arab, Al Ahli tashmë ka caktuar edhe datën për testet mjekësore. Kontrata katërvjeçare do t’i sigurojë Osimhenit 25-30 milion euro në sezon neto, plus një klauzolë lirimi. Vendimi përfundimtar mbetet në dorë të sulmuesit nigerian.
Al Ahly përfundoi i treti në kampionatin e Arabisë Saudite sezonin e kaluar, pas Al Hilal dhe Al Nassr. Përveç bashkëlojtarëve në klubin e ri, ndër të tjera do të jenë Firminjo, Mahrez, Mendi, Demiral, Kesi etj.
