Paulo Fonseka mbyll merkaton e Milan-it dhe paralajmëron Inter-in

Ndeshja e parë që do të presë “San Siro” do të jetë mes Milanit të Paulo Fonseckas dhe Torinos së Paolo Vanolit.

Ndjesitë kanë qenë jashtëzakonisht pozitive që nga dita e parë dhe sot janë edhe më shumë. “Skuadra është gati për të përballuar kampionatin me plot besim, entuziazëm dhe ambicie të mëdha. Presim me padurim të dalim nesër në fushë, duke u treguar menjëherë tifozëve identitetin tonë. Është e mahnitshme të mendosh të ndihesh në këtë mënyrë pas vetëm pesë javësh punë; nuk prisja që lojtarët t’i përvetësonin kaq shpejt idetë tona”.

“Merkato?

Me ardhjen e Fofana-s mbyllet merkato e blerjeve. Duhet të punojmë veçanërisht për largimet.

Kalulu?

Nuk doja të flisja për emra, por tashmë kam folur me ata që mendoj se nuk mund të luajnë këtu. Ka pasur një ndryshim të rëndësishëm, si në mënyrën tonë të të menduarit ashtu edhe në qasjen ndaj ndeshjeve. Nuk dua të them se do të fillojmë nga vendi i parë, por jemi shumë afër të jemi aty, gati për të filluar këtë sfidë. Mënyra jonë e sulmit dhe mbrojtjes është ndryshe nga e kaluara.

Fofana?

Do të pres rezultatet e testeve mjekësore para se të bëj ndonjë deklaratë. Mund të them vetëm se jam i kënaqur me ardhjen e lojtarëve të rinj. Loftus-Cheek mund të luajë rolin e mesfushorit, përveç atij të mesfushorit sulmues”.

Lufta për titullin

Është ende herët për të thënë nëse ky është grupi më i fortë që kam drejtuar ndonjëherë, por sigurisht që është shumë konkurrues. Unë i qëndroj asaj që thashë në konferencën e parë: ne jemi këtu për të fituar. Me çdo ditë që kalon, besimi im në këtë objektiv rritet. Unë nuk i shoh gjërat ndryshe: ne jemi këtu për të luftuar për titullin”.

Për Interin

Është e qartë për të gjithë: vitin e kaluar ata fituan titullin në mënyrë të qartë. Megjithatë, ka disa skuadra me të njëjtin objektiv, si Napoli, Atalanta dhe Juventus, të cilat mund të luftojnë. Ne besojmë fort se do të jemi ndër pretendentët së bashku me Inter.