Presidentja Osmani pas takimit me Trump: Kosova gjithmonë në krah të SHBA-së
Presidentja e Kosovës, Vjosa Osmani, ka njoftuar se takimi i planifikuar si protokollar me ish-presidentin amerikan Donald Trump është shndërruar në një bisedë të gjatë dhe përmbajtësore.
“Faleminderit Presidentit Trump për interesimin e veçantë që tregoi rreth rolit të pazëvendësueshëm të Amerikës në Kosovë dhe në rajonin tonë, si dhe për angazhimin e tij të palodhshëm për paqe,” shkroi Osmani.
Ajo theksoi se miqësia dhe aleanca me Shtetet e Bashkuara mbeten boshti i pathyeshëm i shtetit të Kosovës. “Kosova do të jetë gjithmonë në anën e demokracisë, lirisë dhe partneritetit me SHBA-të, sepse pikërisht aty rreh zemra e lirisë sonë,” përfundoi Presidentja Osmani. (INA)
