Sheikët kanë gati 90 milionë euro për “yllin” e Juventusit
Është kthyer në një protagonsit me “bardhezinjtë” e Juventusit, por së shpejt, mund të kthehet në një protagonist, me tjetër fanelë “bardhezi”. “Bomberi” serb, Dushan Vlahoviç u transferua me shumë bujë në Torino, teksa në janarin e vitit 2022, “Zonja e Vjetër” derdhi plot 83.5 milionë euro, në arkat e ‘Violëve” të Fiorentina, mirëpo duket se “aventurës” së tij, në veriun e Italisë po i vjen fundit.
Për “yllin” 23-vjeçar të sulmit interesohen, një sërë “gjigantësh” të Premier Ligës dhe jo vetëm, teksa pas Arsenalit, Çellsit e Man. Junajtedit, tashmë “bardhezinjtë” e Njukasëllit po mendojnë seriozisht transferimin e Vlahoviçit, në “St. James Park”, që në këtë merkato dimrit, me paratë që nuk mungojnë në bordin e “Laraskave” të Premier Ligës.
“Numri 1” i klubit anglez, Princi i Arabisë Saudite, nuk “trembet” aspak nga kërkesa e Juventusit në merkaton së verës, që sapo lamë pas, për shifrën e 80 milionë eurove, teksa sipas raportimeve të tabloideve angleze ka dërguar një ofertë për “bomberin” serb, e cila ka shifrën e 90 milionëshit, duke vënë vërtetë në “mëdyshje”, rekordmenët e Italisë, të cilët do të mendohen jo pak, përpara se t’i japin një përgjigje klubit anglez.
