![Shkon në 13 numri i minatorëve të Trepçës të lënduar nga acidi](https://shprehja.com/wp-content/uploads/2024/01/IMG_2157.jpeg)
Shkon në 13 numri i minatorëve të Trepçës të lënduar nga acidi
Ka shkuar në 13 numri i minatorëve të lënduar nga incidenti me acid në Minierën e Trepçës.
Spitali i Përgjithshëm në Mitrovicë, në të cilin edhe po trajtohen të lënduarit, thotë se dy nga ta patën lëndime serioze të syve, transmeton klankosova.tv.
”Sot, rreth orës 13:00, ka ndodhur një incident në Minierën e Trepçës, ku ka pasur rrjedhje kimike të acidit sulfurik ku për pasojë janë lënduar 13 minatorë. Prej tyre, 2 kanë pasur lëndime serioze të syve (djegie kimike me acid sulfurik), të cilët pas trajtimit në Repartin e Emergjencës janë transferuar ne repartin e Oftalmologjisë së Spitalit të Mitrovicës për trajtim të mëtejmë. Ndërsa, 11 prej tyre janë duke u trajtuar në repartin e Emergjencës, të cilët anë jasht rrezikut pë jetë dhe pas trajtimeve pritet të lëshohen në shtëpi”.