Siguri më e fortë në kufij: Mustafa Dauti dhe Astrit Iseni dakord për bashkëpunim më të ngushtë
Zëvendësdrejtori i Drejtorisë së Doganave, Mustafa Dauti, ka zhvilluar sot një takim pune me zëvendësministrin për Punë të Brendshme, Astrit Iseni.
Gjatë takimit u diskutua për thellimin e bashkëpunimit mes dy institucioneve me qëllim rritjen e sigurisë kufitare, luftën kundër kontrabandës dhe trafikimit të paligjshëm, si dhe shkëmbimin e të dhënave dhe informatave në kohë reale.
Dauti vlerësoi qasjen konstruktive të zëvendësministrit Iseni, duke theksuar rëndësinë e dialogut profesional ndërmjet strukturave të Doganave dhe Ministrisë së Punëve të Brendshme.
“Mbështetja e tij është e rëndësishme për të forcuar mekanizmat e bashkëpunimit institucional”, theksoi Dauti.
