Sven-Goran Eriksson zbulon se ka vetëm edhe ‘një vit për të jetuar’
Ish-trajneri i Kombëtares së Anglisë, Sven-Goran Erikson, ka zbuluar se ai ka kancer terminal dhe se ka ‘ndoshta një vit’ jetë. Trajneri suedez ishte trajner i Anglisë midis viteve 2001 dhe 2006, pas një periudhe të suksesshme me Lacion. Pasi i menaxhoi ata në “Euro 2004” dhe Kupën e Botës 2006, ai u drejt një periudhe me Man. Sitin.
Ai më pas vazhdoi të ketë disa role trajneri diku tjetër, duke përfshirë Lester Sitin dhe ekipin kombëtar të Meksikës. Tani 75 vjeç, Erikson zbuloi për radiostacionin suedez P1 se ai vuan nga kanceri terminal dhe se i ka ‘ndoshta një vit, ndoshta edhe më shumë’ jetë.
“Të gjithë e kuptojnë se unë kam një sëmundje që nuk është e mirë. Të gjithë mendojnë se është kancer, dhe është. Por unë duhet të luftoj për aq kohë sa të mundem”, ka thënë fillimisht Erikson.
Kur u pyet për prognozën e tij, Eriksson u përgjigj se ai kishte ‘ndoshta në rastin më të mirë një vit, në rastin më të keq pak më pak, ose në rastin më të mirë ndoshta edhe më shumë. Ose në rastin më të mirë mendoj edhe më gjatë’.
“Unë nuk mendoj se mjekët që kam mund të jenë plotësisht të sigurt, ata nuk mund të kalojnë një ditë. Ju nuk mund të jeni absolutisht i sigurt. Është më mirë të mos mendoni për këtë”, përfundoi suedezi.
