Tre të vdekur dhe dy të lënduar nga aksidentin në autostradën Shtip-Radovish

Tre të vdekur dhe dy të lënduar rëndë është bilanci i aksidentit të rëndë të trafikut që ndodhi mëngjesin e sotëm në autostradën Shtip-Radovish, ku një furgon i cili transportonte punëtorë ra nga ura mbi një lumë pranë, në afërsi të fshatit Llakavicë të Shtipit, përcjell TV21.

Drejtori i ISHP Shtëpia e Shëndetit “Pançe Karagjozov”, Goran Andonov për MIA-n tha se ekipi mjekësor i Ndihmës së shpejtë në vendin e ngjarjes ka konstatuar vdekjen e dy personave, punëtori i tretë është reanimuar, por u është nënshtruar plagëve të marra.

Sipas informacioneve fillestare, bëhet fjalë për punëtorë të huaj nga Bangladeshi, të cilët kanë qenë të angazhuar me punë për një kompani nga Strumica. Është lënduar edhe një punëtor dhe shoferi i furgonit.

Drejtori i Spitalit klinik në Shtip, Vlladko Zahariev tha se tek ta është hospitalizuar një person të cilit për momentin i bëhen kontrolle nga mjekët.