Van Dajk: Është 38 vjeçar, por i vështirë për të mbuluar

Pavarësisht se do të mbushë 38 vjeç më 18 shtator, Olivier Zhiru, vazhdon të jetë një nga sulmuesit më pjellor në Serie A. Edhe këtë sezon tashmë ka tejkaluar dy shifrat, siç ka ndodhur për katërmbëdhjetë vjet radhazi. Një nga mbrojtësit më të mirë të viteve të fundit, Virxhil Van Dijk, njohu vlerën e madhe të sulmuesit të Milanit.

Qendërmbrojtësi i Liverpullit, i cili doli i dyti në edicionin e “Topit të Artë” të vitit 2019, dha një intervistë të gjatë për “France Football”, në të cilën ai zgjodhi francezin si sulmuesin më të vështirë për t’u markuar.

“Sulmuesi më i vështirë me të cilin jam përballur? Mendoj se ishte Olivier Zhiru. Çdo herë duket sikur po e markon mirë, por ai gjithmonë arrin të shënojë, në një mënyrë ose në një tjetër: me kokë, me këmbë, me gju. Ka shënuar shpesh kundër meje. Pastaj nuk harroj Serhio Aguerron, i cili ishte shumë i fortë, por edhe Erling Haaland dhe Gabriel Zhesus. Ata të gjithë ta bëjnë punën shumë të vështirë,” ka thënë mes tjerash Van Dajk.