VIDEO/Zhegrova “drejton” Lillën drejt fazës kryesore të Ligës së Kampionëve

Edon Zhegrova po kalon një moment të artë te francezët e Lilës. Talenti shqiptar i Kosovës, realizoi një gol me peshë, në duelin e kthimit të fazës “Play Off” të Ligës së Kampionëve.

Në minutën e 77-të, teksa vendasit e Slavias së Pragës po udhëhiqnin me rezultatin 1-0, Zhegrova me një të majtë të kalibruar nga jashtë zonës, e dërgoi topin në cepin e portës, duke vendosur baraspeshën 1-1.

Vlen të theksohet fakti se Zhegrova gjeti rrugën e rrjetës edhe në duelin e parë që Lilë triumfoi në shtëpi me rezultatin 2-0.