![Top 10 lojtarët më të shtrenjtë të Serie A në 2024](https://shprehja.com/wp-content/uploads/2024/01/Seria-A-780x450-1.jpg)
Top 10 lojtarët më të shtrenjtë të Serie A në 2024
Lautaro Martinez dhe Victor Osimhen janë lojtarët më të shtrenjtë në Serie A, me një vlerë transferimi të raportuar prej 110 milionë eurosh secili.
“Football Italia” hodhi një vështrim në top 10 lojtarët më të shtrenjtë të Serie A në fillim të vitit 2024, transmeton Gazeta Express.
Sipas “Transfermarkt”, Lautaro Martinez dhe Osimhen kanë vlerën më të lartë. Nuk është rastësi që kapiteni i Interit është golashënuesi më i mirë aktual në Serie A, ndërsa Osimhen ishte “Capocannoniere” sezonin e kaluar.
Ylli i Milanit, Rafael Leao, është lojtari i tretë më i shtrenjtë në Serie A me një vlerë transferimi prej 90 milionë eurosh.
Khvicha Kvaratskhelia i Napolit renditet i katërti me një vlerë transferimi prej 80 milionë euro. Gjeorgjiani pasohet nga Nicolo Barella (75 milion €), Alessandro Bastoni dhe Dusan Vlahovic (60 milion €), Marcus Thuram dhe Theo Hernandez (55 milion €), Federico Chiesa, Gleison Bremer dhe Federico Dimarco (50 milion €).
/Gazeta Express/