Presidentja Osmani vjen me një lajm të mirë nga Amerika

Presidentja e Kosovës, Vjosa Osmani, ka njoftuar se pas vizitës së saj në Washington D.C., është informuar zyrtarisht nga Zëvendës Sekretari amerikan i Shtetit, Christopher Landau, se Administrata Trump ka miratuar vazhdimin e programit MCC për Kosovën.

“Ky është një lajm i shkëlqyeshëm për Kosovën”, shkruan Osmani, duke theksuar se programi ka ndikim transformues për sektorin e energjisë dhe zhvillimin ekonomik të vendit.

Presidentja ka shprehur mirënjohje të thellë për mbështetjen e vazhdueshme nga Shtetet e Bashkuara të Amerikës.(INA)