Arben Fetai: Kumanova do të flasë me NJË ZË më 19 tetor

Karvani i hapjes së shtabeve të koalicionit VLEN me NJË ZË sonte u ndal në Kumanovë, ku u hap shtabi zgjedhor i fitores.
Në këtë ngjarje mori pjesë zëvendëskryeministri për Qeverisje të Mirë, Arben Fetai, i cili bashkë me qytetarë kumanovarë prezantoi kandidatin për kryetar komune, Arben Etemi, si dhe listën e kandidatëve për këshilltarë.

“Kudo që shkojmë, shqiptarët na presin me NJË ZË të bashkuar dhe të bindur se s’ka kthim mbrapa, ka vetëm përpara. Më 19 tetor, me NJË ZË dhe me numrin 7, Kumanova do të dëshmojë se koha e re ka filluar”, theksoi Fetai.