Asllan Koka pyet Bilall Kasamin: Nga cili shtet i huaj janë regjistruar 873 mijë euro në bilancin e Komunës së Tetovës?
Kontabilisti i njohur nga Tetova, Asllan Koka, ka ngritur pikëpyetje serioze rreth transparencës së financave të Komunës së Tetovës, duke iu drejtuar publikisht kryetarit Bilall Kasami.
“Në bilancin e Komunës së Tetovës, shuma 53.716.000 denarë (rreth 873 mijë euro) është e shënuar tek zëri 742 – Donacione nga shtetet e huaja,” theksoi Koka.
Ai nënvizoi kontradiktën mes shënimit zyrtar dhe deklarimeve të kryetarit të Komunës.
“Ti thua se këto janë nga një biznes privat, pronari i të cilit është serb. Atëherë, nga cili shtet i huaj janë regjistruar këto para në bilanc?” pyeti Koka.
Sipas tij, qytetarët e Tetovës kanë të drejtë të dinë të vërtetën e plotë për këtë shumë të madhe parash.
“Qytetarët meritojnë transparencë – jo lojëra fjalësh me miliona denarë,” përfundoi Koka. Flaka Media
