Dy lojtarë të Interit do të mungojë ndaj Mançester Sitit

Dyshja e Interit, Federiko Dimarko dhe Marko Arnautoviç nuk janë stërvitur me pjesën tjetër të skuadrës dhe nuk do të jenë të gatshëm për sfidën ndaj Man. Sitit në Ligën e Kampionëve. Mbrojtësi italian po ballafaqohet me lodhje të muskujve ashtu siç u bë e ditur të hënën, ndërsa sot nuk u pa prezent në qendrën stërvitore të zikaltërve.

Siç ka raportuar “Gazzetta dello Sport”, Arnautoviç gjithashtu ka munguar në stërvitje, pasi u zgjua me grip. Për këtë arsye, ai nuk do të jetë i gatshëm për sfidën ndaj Man. Sitit që do të zhvillohet në ‘Etihad Stadium’. Mbetet të shihet nëse të dy lojtarët do të rikuperohen në kohë për derbin ndaj rivalit lokal Milanit që do të luhet të dielën.

Tajon Bukanan është gjithashtu i lënduar për Interin, ndërsa Hoakin Korrea nuk ka qenë i përfshirë në listën e tyre për ndeshjet e ligës.