Tiago Alkantara, largohet nga Barcelona ende pa debutuar si ndihmës trajner
Arnau Blanko, deri më tani trajner i ekipit kadet A të Barcelona-s, është bashkuar këtë të premte me stafin e Hansi Flikut në zëvendësim të Tiago Alkántara-s, i cili më 16 gusht do të ketë ditën e tij të fundit me ekipin. Trajneri nga “Palau Solita” i Plegamans, i cili ka punuar në futbollin formativ të Barcelonës gjatë njëmbëdhjetë sezoneve të fundit, do të ketë të njëjtat funksione që ka ushtruar Tiago në javët e fundit.
Klubi vazhdon të mbështesë talentin dhe formimin e shkëlqyer të profesionistëve dhe trajnerëve të shtëpisë, ashtu siç demonstroi më parë duke besuar te Pere Romeu si trajner i ekipit të parë të femrave ose te Albert Sánchez si trajner i Barça Atlètic.
Tiago ka përshpejtuar kështu largimin e tij, i cili ishte parashikuar për pauzën ndërkombëtare të shtatorit. Ai nuk po merrte rrogë dhe erdhi te Barça për shkak të angazhimit dhe marrëdhënies së miqësisë që ka me Hansi Flik, për ta ndihmuar atë të integrohej në klub në javët e tij të para si trajner i ri. Ai e konsideron se puna është bërë. Ish-futbollisti ka arritur që Flik të kuptojë filozofinë e klubit dhe të ketë një ndjenjë të mirë me ekipin. Pikërisht, trajneri ka si karakteristikë aftësinë për t’u marrë vesh mirë me futbollistët, dhe Tiago i ka ndihmuar për të hedhur këtë hap.
