Toshkovski: Uji në Gostivar ende nuk është i sigurt për t’u pirë, mund të përdoret jashtëzakonisht si teknik

Uji në Gostivar ende nuk është i sigurt për pije dhe mund të përdoret jashtëzakonisht vetëm për qëllime teknike, njoftoi ministri i Punëve të Brendshme Pançe Toshkovski pas mbledhjes së sotme të Shtabit për Menaxhim me Kriza. Për të shpallur ujin të sigurt, do të nevojiten tre rezultate pozitive të njëpasnjëshme nga të gjitha pikat e matjes.

Toshkovski theksoi se cilësia e ujit edhe më tej ndryshon, prandaj rekomandimet e mëparshme mbeten në fuqi, ndërsa uji nuk mund të përdoret për pirje ose për përgatitjen e ushqimit. Instituti i Shëndetit Publik, Agjencia e Ushqimit dhe Veterinarisë dhe inspektimet e kompanive publike të furnizimit me ujë do të rrisin vazhdimësinë e matjes.

“Do të matet më shpesh, në mënyrë që sapo të kemi tre rezultate radhazi, siç e njoftuam më parë, sapo të kemi tre rezultate radhazi të ujit të pijshëm të duhur në të gjitha pikat e matjes që kemi në qytet, atëherë do t’u njoftojmë të gjithë qytetarëve se uji do të jetë i pijshëm, përveç përdorimit siç është përdorur deri më tani si ujë teknik”, tha Toshkovski.

Deri në stabiëizimin e situatës, shtoi ai se vazhdonin shpërndarja e ujit të ambalazhuar për qytetarët, duke theksuar se nga ana e Qeveriës deri më tani janë shpërndarë rreth 580.000 litra, dhe sasi shtesë sigurohen edhe nga kompani dhe komuna me përgjegjësi shoqërore.